Pwyntiau allweddol
- Bydd angen i chi ddidynnu cyfraniadau o gyflogau eich staff a thalu’r rhain a’ch cyfraniadau i’r cynllun yn brydlon a chywir.
- Wedi ichi sefydlu’ch cynllun, os ydych chi’n ansicr beth i’w dalu a phryd, cysylltwch â darparwr neu ymddiriedolwyr eich cynllun pensiwn.
- Os nad ydych yn cyfrannu’n briodol i gynllun pensiwn eich staff neu yn brydlon, mae perygl y bydd rhaid i chi dalu dirwy i’r rheolydd.
- Mae cofnodion a gwybodaeth taliadau penodol y mae'n rhaid i chi eu cadw.
Faint sy'n rhaid i chi ei dalu
Mae’r swm mae’n rhaid i chi ei gyfrannu i’r cynllun pensiwn wedi ei bennu gan reolau’r cynllun. Fodd bynnag, os ydych chi’n defnyddio’r cynllun ar gyfer cofrestru awtomatig, mae isafswm cyfraniadau y mae’n rhaid i chi eu talu.
Dangosir isafswm y cyfraniadau y mae’n rhaid i chi eu talu i’ch cynllun pensiwn staff yn y tabl isod – ar hyn o bryd maent yn gyfanswm cyfraniad o 2% gydag o leiaf 1% o gyfraniad gan gyflogwyr.
Mae cyfraniadau isafswm yn cael eu cyflwyno’n raddol gydag amser. Fel arfer byddwch yn talu cyfraniadau cynllun pensiwn naill ai fel swm sefydlog neu’n seiliedig ar ganran o enillion.
| Dyddiad |
Isafswm gyfraniad y cyflogwr |
Cyfanswm isafswm cyfraniad |
| Dyddiad gweithredu’r cyflogwr i 05/04/18 |
1% | 2% (yn cynnwys 1% cyfraniad staff) |
| 06/04/18 - 05/04/19 |
2% | 5% (yn cynnwys 1% cyfraniad staff) |
| 06/04/19 ymlaen |
3% | 8% (yn cynnwys 1% cyfraniad staff) |
Eich isafswm cyfraniad cyflogwr
Gallwch ddefnyddio ein hofferyn syml i gyfrifo eich isafswm cyfraniad ar gyfer pob aelod o staff y bydd angen i chi ei gofrestru’n awtomatig.
Pryd fydd yn rhaid i chi dalu eich cyfraniadau
Mae angen i chi dalu eich cyfraniadau i’ch cynllun pensiwn staff yn brydlon. Mae hyn yn cynnwys cyfrifo a didynnu cyfraniadau o gyflogau’ch staff. Rhaid i chi gytuno ar ddyddiadau dyledus ar gyfer talu cyfraniadau i’r cynllun gyda’ch ymddiriedolwr neu ddarparwr.
Fodd bynnag, mae’r gyfraith yn gofyn pan fyddwch yn didynnu cyfraniadau o gyflog eich staff, rhaid i chi dalu’r rhain i’ch cynllun pensiwn staff yn ddim hwyrach na’r 22ain niwrnod (19eg os ydych chi’n talu trwy siec) y mis nesaf.
Mae rheolau arbennig ar gyfer y didyniad cyntaf o gyfraniadau ar gofrestru awtomatig dan y Ddeddf Pensiynau 2008.
Mae perygl y byddwch yn cael dirwy gan y rheolydd os nad ydych yn talu’n brydlon.
Gallwch gytuno ar ddyddiad cynharach i dalu eich cyfraniadau cyflogwr gyda’ch ymddiriedolwyr neu weinyddwyr. Fodd bynnag, mae’n haws os ydych yn talu eich cyfraniadau ar yr un diwrnod â chyfraniadau eich staff.
Canllaw cyflym i dalu cyfraniadau i gynlluniau pensiwn galwedigaethol personol a DC (PDF, 62kb, 6 tudalen)
Dysgwch sut i sefydlu eich cynllun yn gywir a deall pa gyfraniadau mae’n rhaid i chi a’ch staff eu talu ac erbyn pryd dylid eu talu.
Cyfraniadau a chyllid
Cadw gwybodaeth a chofnodion talu
Gwybodaeth anghywir neu hen ffasiwn yw prif achos methiant talu ac anghydfodau rhwng cyflogwr a'u darparwr cynllun neu ymddiriedolwyr.
Rhaid i chi gadw gwybodaeth a chofnodion ynghylch pa gyfraniadau rydych chi'n eu talu i'ch cynllun pensiwn am chwe blynedd (yn y rhan fwyaf o achosion). Bydd hyn yn eich helpu i sicrhau bod y cyfraniadau cywir yn cael eu talu ac yn darparu tystiolaeth os oes anghydfod.
Ymhlith y cofnodion y dylech eu cadw mae:
- enillion gros staff
- cyfraniadau cynllun pensiwn staff a chyflogwyr sydd i'w talu (ac os yw'n wahanol yr union symiau a dalwyd)
Mae angen i chi gadw gwybodaeth am gyfraniadau ac aelodaeth yn gyfredol a chyfleu unrhyw newidiadau i ddarparwr neu ymddiriedolwyr eich cynllun pensiwn.
Cyfeiriwch at ein gwybodaeth am ddyletswyddau cadw cofnodion i gyflogwyr am ragor o fanylion.
Terfynau cronfa bensiwn
Mae terfynau i faint ellir ei gadw mewn cronfa bensiwn a’r swm y gellir ei gyfrannu pob blwyddyn ar gyfer aelod heb orfodi taliadau treth penodol.
Ewch i ddeall y lwfans blynyddol ar gyfer cynlluniau pensiwn ar wefan Cyllid a Thollau EM.
Os nad ydych yn siwr beth i’w dalu a phryd, cysylltwch â’ch darparwr cynllun pensiwn neu ymddiriedolwyr.
Cyllid buddion wedi'u diffinio
Os ydych chi’n rhedeg cynllun buddion wedi’u diffinio (DB), mae angen i chi fod yn ymwybodol bod angen i’r rhan fwyaf o gynlluniau yn darparu unrhyw fuddion wedi’u diffinio fodloni amcan ariannu statudol, sy’n asesu’r lefelau gofynnol o gyllid ar gyfer cynllun.
Fel cyflogwr, bydd angen i chi weithio’n agos gydag ymddiriedolwyr i sicrhau bod eich cynllun yn bodloni’r gofynion ariannu hyn.
Yn benodol, bydd angen i chi gytuno gyda’r ymddiriedolwyr:
- ar ddatganiad o egwyddorion ariannu
- ar atodlen o gyfraniadau sy’n gyson â’r egwyddorion hyn
Ble na fodlonir yr amcan ariannu statudol, rhaid i chi gytuno ar gynllun adfer yn sefydlu’r camau i’w cymryd i unioni pethau.
I gael rhagor o wybodaeth ewch i ariannu’ch cynllun â buddion diffiniedig.
Canllaw manwl
Mae ein canllaw manwl wedi ei anelu at gynghorwyr proffesiynol a chyflogwyr sydd â gweithwyr proffesiynol mewnol.